(ก) อนุโลมํ
[140] (ก) จกฺขุ อินฺทฺริยนฺติ? อามนฺตาฯ
(ข) อินฺทฺริยา จกฺขุนฺทฺริยนฺติ?
จกฺขุนฺทฺริยํ อินฺทฺริยญฺเจว จกฺขุนฺทฺริยญฺจฯ อวเสสา อินฺทฺริยา น จกฺขุนฺทฺริยํฯ
(ก) โสตํ อินฺทฺริยนฺติ?
ยํ โสตํ อินฺทฺริยํ ตํ โสตญฺเจว อินฺทฺริยญฺจฯ อวเสสํ โสตํ น อินฺทฺริยํฯ
(ข) อินฺทฺริยา โสตินฺทฺริยนฺติ? โสตินฺทฺริยํ อินฺทฺริยญฺเจว โสตินฺทฺริยญฺจฯ อวเสสา อินฺทฺริยา น โสตินฺทฺริยํฯ
(ก) ฆานํ อินฺทฺริยนฺติ? อามนฺตาฯ
(ข) อินฺทฺริยา ฆานินฺทฺริยนฺติ?
ฆานินฺทฺริยํ อินฺทฺริยญฺเจว ฆานินฺทฺริยญฺจฯ อวเสสา อินฺทฺริยา น ฆานินฺทฺริยํฯ
(ก) ชิวฺหา อินฺทฺริยนฺติ? อามนฺตาฯ
(ข) อินฺทฺริยา ชิวฺหินฺทฺริยนฺติ?
ชิวฺหินฺทฺริยํ อินฺทฺริยญฺเจว ชิวฺหินฺทฺริยญฺจฯ อวเสสา อินฺทฺริยา น ชิวฺหินฺทฺริยํฯ
(ก) กาโย อินฺทฺริยนฺติ?
โย กาโย อินฺทฺริยํ โส กาโย เจว อินฺทฺริยญฺจฯ อวเสโส กาโย น อินฺทฺริยาฯ
(ข) อินฺทฺริยา กายินฺทฺริยนฺติ?
กายินฺทฺริยํ อินฺทฺริยญฺเจว กายินฺทฺริยญฺจฯ อวเสสา อินฺทฺริยา น กายินฺทฺริยํฯ
(ก) มโน อินฺทฺริยนฺติ? อามนฺตาฯ
(ข) อินฺทฺริยา มนินฺทฺริยนฺติ?
มนินฺทฺริยํ อินฺทฺริยญฺเจว มนินฺทฺริยญฺจฯ อวเสสา อินฺทฺริยา น มนินฺทฺริยํฯ
(ก) อิตฺถี อินฺทฺริยนฺติ? โนฯ
(ข) อินฺทฺริยา อิตฺถินฺทฺริยนฺติ?
อิตฺถินฺทฺริยํ อินฺทฺริยญฺเจว อิตฺถินฺทฺริยญฺจฯ อวเสสา อินฺทฺริยา น อิตฺถินฺทฺริยํฯ
(ก) ปุริโส อินฺทฺริยนฺติ? โนฯ
(ข) อินฺทฺริยา ปุริสินฺทฺริยนฺติ?
ปุริสินฺทฺริยํ อินฺทฺริยญฺเจว ปุริสินฺทฺริยญฺจฯ อวเสสา อินฺทฺริยา น ปุริสินฺทฺริยํฯ
(ก) ชีวิตํ อินฺทฺริยนฺติ? อามนฺตาฯ
(ข) อินฺทฺริยา ชีวิตินฺทฺริยนฺติ?
ชีวิตินฺทฺริยํ อินฺทฺริยญฺเจว ชีวิตินฺทฺริยญฺจฯ อวเสสา อินฺทฺริยา น ชีวิตินฺทฺริยํฯ
(ก) สุขํ อินฺทฺริยนฺติ? อามนฺตาฯ
(ข) อินฺทฺริยา สุขินฺทฺริยนฺติ?
สุขินฺทฺริยํ อินฺทฺริยญฺเจว สุขินฺทฺริยญฺจฯ อวเสสา อินฺทฺริยา น สุขินฺทฺริยํฯ
(ก) ทุกฺขํ อินฺทฺริยนฺติ? อามนฺตาฯ
(ข) อินฺทฺริยา ทุกฺขินฺทฺริยนฺติ?
ทุกฺขินฺทฺริยํ อินฺทฺริยญฺเจว ทุกฺขินฺทฺริยญฺจฯ อวเสสา อินฺทฺริยา น ทุกฺขินฺทฺริยํฯ
(ก) โสมนสฺสํ อินฺทฺริยนฺติ? อามนฺตาฯ
(ข) อินฺทฺริยา โสมนสฺสินฺทฺริยนฺติ?
โสมนสฺสินฺทฺริยํ อินฺทฺริยญฺเจว โสมนสฺสินฺทฺริยญฺจฯ อวเสสา อินฺทฺริยา น โสมนสฺสินฺทฺริยํฯ
(ก) โทมนสฺสํ อินฺทฺริยนฺติ? อามนฺตาฯ
(ก) อินฺทฺริยา โทมนสฺสินฺทฺริยนฺติ?
โทมนสฺสินฺทฺริยํ อินฺทฺริยญฺเจว โทมนสฺสินฺทฺริยญฺจฯ อวเสสา อินฺทฺริยา น โทมนสฺสินฺทฺริยํฯ
(ก) อุเปกฺขา อินฺทฺริยนฺติ?
ยา อุเปกฺขา อินฺทฺริยํ สา อุเปกฺขา เจว อินฺทฺริยญฺจฯ อวเสสา อุเปกฺขา น อินฺทฺริยํฯ
(ข) อินฺทฺริยา อุเปกฺขินฺทฺริยนฺติ?
อุเปกฺขินฺทฺริยํ อินฺทฺริยญฺเจว อุเปกฺขินฺทฺริยญฺจฯ อวเสสา อินฺทฺริยา น อุเปกฺขินฺทฺริยํฯ
(ก) สทฺธา อินฺทฺริยนฺติ? อามนฺตาฯ
(ข) อินฺทฺริยา สทฺธินฺทฺริยนฺติ?
สทฺธินฺทฺริยํ อินฺทฺริยญฺเจว สทฺธินฺทฺริยญฺจฯ อวเสสา อินฺทฺริยา น สทฺธินฺทฺริยํฯ
(ก) วีริยํ อินฺทฺริยนฺติ? อามนฺตาฯ
(ข) อินฺทฺริยา วีริยินฺทฺริยนฺติ?
วีริยินฺทฺริยํ อินฺทฺริยญฺเจว วีริยินฺทฺริยญฺจฯ อวเสสา อินฺทฺริยา น วีริยินฺทฺริยํฯ
(ก) สติ อินฺทฺริยนฺติ? อามนฺตาฯ
(ข) อินฺทฺริยา สตินฺทฺริยนฺติ?
สตินฺทฺริยํ อินฺทฺริยญฺเจว สตินฺทฺริยญฺจฯ อวเสสา อินฺทฺริยา น สตินฺทฺริยํฯ
(ก) สมาธิ อินฺทฺริยนฺติ? อามนฺตาฯ
(ข) อินฺทฺริยา สมาธินฺทฺริยนฺติ?
สมาธินฺทฺริยํ อินฺทฺริยญฺเจว สมาธินฺทฺริยญฺจฯ อวเสสา อินฺทฺริยา น สมาธินฺทฺริยํฯ
(ก) ปญฺญา อินฺทฺริยนฺติ? อามนฺตาฯ
(ข) อินฺทฺริยา ปญฺญินฺทฺริยนฺติ?
ปญฺญินฺทฺริยํ อินฺทฺริยญฺเจว ปญฺญินฺทฺริยญฺจฯ อวเสสา อินฺทฺริยา น ปญฺญินฺทฺริยํฯ
(ก) อนญฺญาตญฺญสฺสามีติ อินฺทฺริยนฺติ? อามนฺตาฯ
(ข) อินฺทฺริยา อนญฺญาตญฺญสฺสามีตินฺทฺริยนฺติ?
อนญฺญาตญฺญสฺสามีตินฺทฺริยํ อินฺทฺริยญฺเจว อนญฺญาตญฺญสฺสามีตินฺทฺริยญฺจฯ อวเสสา อินฺทฺริยา น อนญฺญาตญฺญสฺสามีตินฺทฺริยํฯ
(ก) อญฺญํ อินฺทฺริยนฺติ ? อามนฺตาฯ
(ข) อินฺทฺริยา อญฺญินฺทฺริยนฺติ?
อญฺญินฺทฺริยํ อินฺทฺริยญฺเจว อญฺญินฺทฺริยญฺจฯ อวเสสา อินฺทฺริยา น อญฺญินฺทฺริยํฯ
(ก) อญฺญาตาวี อินฺทฺริยนฺติ? อามนฺตาฯ
(ข) อินฺทฺริยา อญฺญาตาวินฺทฺริยนฺติ?
อญฺญาตาวินฺทฺริยํ อินฺทฺริยญฺเจว อญฺญาตาวินฺทฺริยญฺจฯ อวเสสา อินฺทฺริยา น อญฺญาตาวินฺทฺริยํฯ
(ข) ปจฺจนีกํ
[141] (ก) น จกฺขุ น อินฺทฺริยนฺติ?
จกฺขุํ ฐเปตฺวา อวเสสา อินฺทฺริยา น จกฺขุ, อินฺทฺริยาฯ จกฺขุญฺจ อินฺทฺริเย จ ฐเปตฺวา อวเสสา น เจว จกฺขุ น จ อินฺทฺริยาฯ
(ข) น อินฺทฺริยา น จกฺขุนฺทฺริยนฺติ? อามนฺตาฯ
(ก) น โสตํ น อินฺทฺริยนฺติ?
โสตํ ฐเปตฺวา อวเสสา อินฺทฺริยา น โสตํ, อินฺทฺริยาฯ โสตญฺจ อินฺทฺริเย จ ฐเปตฺวา อวเสสา น เจว โสตํ น จ อินฺทฺริยาฯ
(ข) น อินฺทฺริยา น โสตินฺทฺริยนฺติ? อามนฺตาฯ
(ก) น ฆานํ น อินฺทฺริยนฺติ?
ฆานํ ฐเปตฺวา อวเสสา อินฺทฺริยา น ฆานํ, อินฺทฺริยาฯ ฆานญฺจ อินฺทฺริเย จ ฐเปตฺวา อวเสสา น เจว ฆานํ น จ อินฺทฺริยาฯ
(ข) น อินฺทฺริยา น ฆานินฺทฺริยนฺติ? อามนฺตาฯ
(ก) น ชิวฺหา น อินฺทฺริยนฺติ?
ชิวฺหํ ฐเปตฺวา อวเสสา อินฺทฺริยา น ชิวฺหา, อินฺทฺริยาฯ ชิวฺหญฺจ อินฺทฺริเย จ ฐเปตฺวา อวเสสา น เจว ชิวฺหา น จ อินฺทฺริยาฯ
(ข) น อินฺทฺริยา น ชิวฺหินฺทฺริยนฺติ? อามนฺตาฯ
(ก) น กาโย น อินฺทฺริยนฺติ? อามนฺตาฯ
(ข) น อินฺทฺริยา น กายินฺทฺริยนฺติ? อามนฺตาฯ
(ก) น มโน น อินฺทฺริยนฺติ?
มนํ ฐเปตฺวา อวเสสา อินฺทฺริยา น มโน, อินฺทฺริยาฯ มนญฺจ อินฺทฺริเย จ ฐเปตฺวา อวเสสา น เจว มโน น จ อินฺทฺริยาฯ
(ข) น อินฺทฺริยา น มนินฺทฺริยนฺติ? อามนฺตาฯ
(ก) น อิตฺถี น อินฺทฺริยนฺติ?
อิตฺถิํ ฐเปตฺวา อวเสสา อินฺทฺริยา น อิตฺถี, อินฺทฺริยาฯ อิตฺถิญฺจ อินฺทฺริเย จ ฐเปตฺวา อวเสสา น เจว อิตฺถี น จ อินฺทฺริยาฯ
(ข) น อินฺทฺริยา น อิตฺถินฺทฺริยนฺติ? อามนฺตาฯ
(ก) น ปุริโส น อินฺทฺริยนฺติ?
ปุริสํ ฐเปตฺวา อวเสสา อินฺทฺริยา น ปุริโส, อินฺทฺริยาฯ ปุริสญฺจ อินฺทฺริเย จ ฐเปตฺวา อวเสสา น เจว ปุริโส น จ อินฺทฺริยาฯ
(ข) น อินฺทฺริยา น ปุริสินฺทฺริยนฺติ? อามนฺตาฯ
(ก) น ชีวิตํ น อินฺทฺริยนฺติ?
ชีวิตํ ฐเปตฺวา อวเสสา อินฺทฺริยา น ชีวิตํ, อินฺทฺริยาฯ ชีวิตญฺจ อินฺทฺริเย จ ฐเปตฺวา อวเสสา น เจว ชีวิตํ น จ อินฺทฺริยาฯ
(ข) น อินฺทฺริยา น ชีวิตินฺทฺริยนฺติ? อามนฺตาฯ